Shqipëria arriti të prekë finalen e “Eurovision 2018”. Këngëtari Eugent Bushpepa ka triumfuar me perfomancën e tij në Lisbonë të Portugalisë, me këngën “Mall”.
Ai interpretoi në gjuhën shqipe këngën “Mall”, një interpretim korrekt duke shpalosur në tërësi vlerat e tij vokale si artist.
Pas përfundimit të performancës, këngëtari Eugent Bushpepa ka folur ekskluzivisht për gazetën Telegraf.
“Emocione kisha shumë, por zemra të bëhet zemra mal dhe ndjehesh si në shtëpi, kur sheh valvitjen e shumë flamujve shqiptarë në sallë, të cilët i falënderoj shumë për mbështetjen”, tha Eugent Bushpepa.
Në natën e sotme konkuruan gjithsej 19 shtete, dhe në finale u kualifikuan 10 prej tyre, mes tyre edhe këngëtarja Eleni Foureira me origjinë nga Shqipëria, e cila përfaqësoi Qipron.
