Nuk po dimë më ç’të mendojmë për marrëdhënien e Ronela Hajatit dhe Young Zerkës.
Pak ditë më parë u përhap lajmi se dyshja është ndarë dhe i ka dhënë fund romancës disa vjeçare.
Por i ftuar në emisionin “Trokit”, këngëtari i njohur na ka bërë lëmsh me përgjigjen e tij. I pyetur për marrëdhënien me Ronela Hajatin, Zerka tha se e lidhin shumë gjëra me të dhe ende nuk ka ardhur fundi.
“Në çfarë episodi jemi, kanë dal titrat ‘The End?’”, e pyet Ermali.
“Jo mo akoma s’kanë dalë titrat. Ke parë ti të kem nxjerrë unë gjë titra. Historia vazhdon. Ne me Ronelën na lidhin shumë gjëra, ajo është shumë e talentuar”, ka thënë ai.
“Ata janë bashkë dhe s’ka ç’ju duhet juve. Jeta vazhdon”, shtoi Ermali ndërsa Zerka nga ana tjetër e pohoi.
Lajmi që lidhja e dashurisë mes dy këngëtarëve mori fund u bë i ditur javën e kaluar, kur u tha se ata do të vijojnë rrugën e tyre të ndarë.
Sipas miqve të dyshes, arsyeja që çoi në ndarjen e tyre, ka qenë fakti që Ronela ka dashur të zyrtarizojë lidhjen me Zerkën, pasi çifti bashkëjetonte gjithashtu.
Megjithatë pas përgjigjes së Zerkës, vështirë se mund ta besojmë ndarjen!
