Ylli i “reality show”- ut të “MTV”, 27-vjeçari Clay Adler raportohet se ka vrarë veten. I riu nuk njihet në listën e të famshmëve në vendin tonë, por është dalluar për disa role në SHBA.
Aktorja Jennifer Lawrence thuhet se është “zemërthyer” pas vetëvrasjes së mikut të saj të vjetër. Dyshja mësohet se ishin miq në momentin kur të dy hynë në audicionet e “Hollywood”-it, për rolin në “Newport Harbor: The Real Orange County”.
27-vjeçari mësohet se vdiq në spital, pasi kishte qëlluar veten me armë zjarri më 26 mars.
Policia raporton se nuk u gjet alkool apo drogë në trupin e tij, ndërsa mësohet se ka pasur një histori të sëmundjeve mendore.
Babai i tij Frank thotë se i biri ishte një person që kujdesej shumë për të tjerët dhe se do të “emocionohej” shumë që organet e tij ishin dhuruar dhe mund të shpëtonte të tjerët.
“Ai tashmë ka shpëtuar katër a pesë jetë”, tha ai për “People”.
Ai shtoi se ishte ideja e të birit për dhurimin e organeve.
“Clay kërkoi që organet e tij t’u dhuroheshin njerëzve dhe për këtë bëri një nënshkrim”, tha babai i viktimës, duke shtuar se djali i tij kishte bërë gjëra të mrekullueshme, por do të kishte bërë më shumë po të jetonte.
“Nuk kishte shenja të vërteta që ai mund të kryente vetëvrasje”, shprehet Frank, i cili pohon se i biri nuk drogohej më prej vitesh.
Clay u shfaq në të dy sezonet e “reality show”-ut të MTV në 2008-n dhe 2007-n, ku punoi për suksesin e “Laguna Beach”.
Burimi: Daily Mail
