Hetimet për sulmin e Chris Brown vazhdojnë, por shumë fansa e përkrahin këngëtarin në çdo situatë të mundshme për të treguar që ai është i pafajshëm.
Vajza, e cila pretendon që u sulmua me armë nga Chris Brown pas një feste, është një nga kandidatet për “Miss California” dhe ky detaj nuk i ka shpëtuar një DJ-i, i cili ishte punësuar për këtë spektakël.
Gjatë daljes në skenë të Baylee Curran për të parakaluar në pasarelë, DJ që nuk ka dashur të bëhet publik, vendosi në sfond hitin e Chris Brown “Don’t Wake Me Up”.
Menjëherë me të dëgjuar këngën e sulmuesit të saj, Baylee nervozohet dhe humbet kontrollin në skenë, duke u rrotulluar pa ditur se ku po shkonte. Fatkeqësisht ajo humbi qëndrimin si një Miss duke shfaqur nervozitetin si në ecje ashtu edhe në mimikë, kjo falë rrengut të DJ-it.
Burimi: Daily Mail
