Ajo ishte vetëm 7 vjeç kur u diagnostikua nga doktorët me probleme në veshka dhe u detyrua t’i nënshtrohej dializës.
Sot Nertila është 13 vjeçe dhe ka sjellë historinë e saj prekëse në programin “Historia ime”, në Tv Klan. Ajo mund të ishte bërë me nëj motër ose vëlla të vogël, por nëna e saj, Manjola, u detyrua të abortonte bebin në muajin e tretë për t’i dhuara veshkën vajzës.
Manjola është nënë e tre fëmijëve dhe bashkëshorti i saj ka ndërruar jetë para një viti. Situata për familjen ishte tepër e vështirë veçanërisht gjatë periudhës së dializës.
Kur kjo e fundit nuk po jepte rezultatin e duhur, Nertila duhet patjetër t’i nënshtrohej një operacioni dhe dhuruesja e veshkës u bë nëna e saj, Manjola. Fatmirësisht operacioni shkoi me sukses dhe 13-vjeçarja sot gëzon një shëndet të mirë.
Mirela Milori: Sa vjeç je?
Nertila: 13!
Mirela Milori: Më trego pak situatën shëndetësore me veshkën. Si e kuptove që diçka nuk shkonte mirë me shëndetin tënd?
Nertila: Historia ime fillon që në moshën 7 vjeç. Kur isha 7 vjeç më filluan dhimbjet e barkut, erdhi nëna më çoi tek doktori në Pogradec. Bëmë analizat e gjakut dhe doktori tha që isha me albuminë në veshka. Pastaj na tha të shkonim në Tiranë. Shkuam, i bëmë të gjitha analizat e gjakut, bëra mjekim, por pas mjekimit po fryesha më shumë, enjtesha në faqe.
Mirela Milori: Enjteshe në trup?
Nertila: Po në trup.
Mirela Milori: U fryve dhe në fytyrë?
Nertila: Po! Pastaj bëra dializë.
Mirela Milori: Bëre dializën po pastaj?
Nertila: Bëmë dializën dhe pastaj doktori tha që dializa nuk shkon mirë dhe i tha mamit qe t’i japësh vajzës veshkën. Mami pranoi, ma dha veshkën, bëmë transplant. Operacioni shkoi me sukses.
Mirela Milori: Kishte dhimbje operacioni?
Nertila: Jo, kur dola nga operacioni nuk kisha dhimbje!
Mirela Milori: Po kur hyre kishe frikë?
Nertila: Po kisha frikë, emocione.
Mirela Milori: Po pse kishe frikë?
Nertila: Kisha frikë nga operacioni!
Mirela Milori: Sa qëndrove e shtruar në spital?
Nertila: 2 javë pastaj ika në shtëpi.
Mirela Milori: Sa vjeç ishe kur bëre operacionin?
Nertila: 12 vjeç!
Mirela Milori: Kur e ke bëre operacionin?
Nertila: Në Maj e kam bërë.
Mirela Milori: Në Maj të këtij viti?
Nertila: Po!
/tvklan.al
