Mbrëmjen e kaluar në emisionin “Dua të të bëj të lumtur”, u transmetua një histori mjaft prekëse.
Bashkëshorti Vladimiri kishte pësuar një aksident në punë dhe për pasojë kishte mbetur i paralizuar.
Ai donte të bënte të lumtur, Shpresën. Kjo e fundit i kishte qëndruar gjithmonë pranë, edhe kur ai në një moment mjaft delikat në jetë kishte vendosur të vetëvritej. Sfidat e çiftit në fjalë ishin të panumërta.
Shpresa, si pasojë e një sëmundje kishte rënë në koma për 3 ditë dhe Vladimiri bashkë me 3 fëmijët e kanë përjetuar shumë keq këtë moment të vështirë të saj.
Fatmirësisht gjithçka tashmë ka kaluar për dyshen dhe Vladimiri e falënderoi Shpresën për të gjitha sakrificat që ka bërë për familjen e tyre.
Në mënyrë që ta surprizonte bashkëshorten, Vladimiri dhe stafi i “Dua të të bëj të lumtur”, kanë ftuar Soni Malajn, si këngëtaren e saj të preferuar.
Mirëpo teksa dëgjonte historinë, Soni ka shpërthyer në lot. Ndërkohë në vijim, ajo e surprizoi të ftuarën nga Tropoja me një dhuratë simbolike dhe duke performuar më pas disa nga hitet e saj.
