Një baba që nuk mund të paguajë faturat mjekësore të vajzës së tij të sëmurë, po përgatitet për vdekjen e saj, duke e marrë atë e duke luajtur së bashku në varrin e saj të ardhshëm.
Zhang Xin Lei, dy vjeç, u diagnostikua me një sëmundje gjaku kur ajo ishte vetëm dy muajshe. Ajo kërkon trajtim gjatë gjithë jetës duke përfshirë medikamentet dhe transfuzionet e gjakut.
Familja, që jeton në Kinë, ka shpenzuar më shumë se 11,000 paund për trajtimin e saj mjekësor, por tashmë nuk mund të paguajnë pasi nuk kanë më para.
Pasi e kuptoi se nuk kishte asgjë më në dorë, babai i saj i shkatërruar, Zhang Liyong vendosi ta përgatiste për vdekjen.
Ai tha: “Unë mund të gjeja vetëm këtë ide për ta sjellë atë e për të luajtur në këtë vend. Ky është vendi ku ajo do të pushojë në paqe. Gjithçka që mund të bëj është shoqërimi i saj çdo ditë”.
Liyong qëndron në varr duke u përkëdhelur me vajzën e tij, ndërsa nëna e saj, e cila është shtatzënë, ulet aty pranë. Familja ka huazuar para nga miqtë, por ofertat e ndihmës financiare kanë mbaruar tashmë.
