“Big Brother VIP Kosova” është kaq shumë i komentuar. Një ndër personazhet që bëri bujë me paraqitjen e tij ishte Gjon Karrica i njohur ndryshe si Lugati. Ai së fundmi, ka prekur me historinë e jetës së tij.
Ai zbuloi se bashkëshortja e tij është me nevoja të veçanta dhe për momentin ndodhet një kujdestare pranë saj që kujdeset për të.
“Gruan e kam me një kujdestare, sepse është me një hendikep. Kjo ka qenë sakrifica më e madhe për mua”, theksoi ai.
Vëmendjen e këtij BBV Kosova e ka ‘vjedhur’ padiskutim edhe Stresi.
Ka qenë vetë reperi, i cili gjatë një bisede me njërën nga banoret e “BBVK”, ka rikujtuar ish-partneren e tij Keisin.
“Vetëm po të më vijë ish-gruaja këtu, do kisha dalë nga “Big Brother” direkte. Harroje që ma mbush mendjen mua dhe harroje që e konkurron atë këtu”– u shpreh Stresi, duke lënë të kuptohet se Keisi është i vetmi person që mund ta “nxjerrë” nga “BBVK”.
Jeta private e reperit është përfolur shpesh në mediat rozë, herë për ribashkim me ish-partneren e tij Keisin, herë për romanca të reja.
Madje vetë reperi në një reagim që bëri disa kohë më parë kur u përfol për një romancë me një vajzë, u shpreh se “ka shumë të dashura.”
