42-vjeçari Sam Nazarian është një nga biznesmenët më me influencë në Hollivud, një investitor dhe filantropist. Ai është themeluesi dhe drejtuesi i “SBE Entertainment Group”, një kompani investimi e specializuar në hotele, restorante dhe klubet e natës në Las Vegas, Los Angeles dhe Miami.
Por shumica e shqiptarëve u njohën me emrin e tij pas lidhjes me modelen Emina Cunmulaj. Romanca e tyre duket se daton nga viti 2010, ndërsa “iconstyle.al” gjen disa foto të çiftit të ulur në një tavolinë me ish-furbollistin David Beckham.
Në artikullin e publikuar në 15 shtator të 2010-s, Sam Nazarian u fotografua me Beckham duke shijuar një darkë së bashku në restorantin e tij të ri Cleo, në Los Angeles.
Mediat ndërkombëtare si “Daily Mail” apo “Pop Sugar”, kishin publikuar fotot e takimit të Sam dhe David, por në asnjërën prej tyre nuk shfaqej Emina Cunmulaj.
Si u zbulua lidhja e Eminës me Sam?
Në fakt “iconstyle.al” gjen fotot se atë ditë, qëndronin të ulur në një tavolinë Emina me të dashurin dhe Beckham. Në atë kohë ky i fundit ndodhej në Amerikë, pasi bashkëshortja shfaqi koleksionin e saj “Victoria Beckham” gjatë Javës së Modës në Nju-Jork.
Ishte pikërisht David Beckham ai që zbuloi lidhjen e fshehtë mes iranianit dhe shqiptares. David Beckham u ngacmua nga reporterët se kush ishte vajza e bukur me të cilën po darkonte dhe a do të bëhej xheloze Victoria kur ta merrte vesh këtë?
Ai në anën tjetër iu përgjigj se ajo është e dashura e një mikut të tij dhe të tre po hanin darkë së bashku.
Rreth vitit 2010 mediat shkruanin se pasuria e tij kapte vlerat prej 150 milionë dollarësh. Më pas dyshja nisi daljet publike me njëri-tjetrin në tapetin e kuq.
Në një prej tyre, në klubin gjigand të natës “Hyde Bellagio”, Emina dhe Sam u fotografuan pranë Rick Fox dhe Eliza Dushkut. Kjo foto është realizuar më 31 dhjetor të 2011-s.
Sam tradhtoi ish-të dashurën me Eminën?
Të paktën dy nga mediat online, “Radar Online” dhe “Kodoom”, shkruan në pranverë të 2010-s për ndarjen e bizmnesmenit iranian, Sam Nazarian, nga e dashuria e tij e asaj kohe, Kristin Cavallari. 30-vjeçarja është një personalitet i njohur televizioni në Amerikë, dizajnuese dhe aktore.
Cavallari thuhet se bëri një vizitë të papritur në mars në apartamentin e tij në Los Angeles, ndërsa ai ishte larguar për në Nju-Jork, kur gjeti të dashurën e Nazarian në dhomën e gjumit.
“Kristin kishte lënë një unazë në shtëpinë e tij, kështu që ajo vendosi të shkonte ta merrte të enjten pasdite. Sam ishte duke punuar, por ajo kishte një çelës. Kristin hyri në dhomën e gjumit për të marrë gjërat e saj dhe ky ishte momenti kur ajo pa një brune të mrekullueshme që dilte nga tualeti i Sam. Ajo e kuptoi menjëherë se çfarë po ndodhte. Ajo e pyeti vajzën se kush ishte dhe mori në telefon Sam. Kristin ia kaloi vajzën tjetër atij në telefon, ai u frikësua vërtetë. Ai priste zërin e Kristin në telefon, kur i doli vajza me të cilën e kishte tradhtuar”, shkruan “Radar Online” në 30 mars të 2010-s.
Më tej në shkrim thuhet se, Kristin kishte rasttisur me një situatë të sikletshme ndërkohë që po blinte. Një nga femrat në dyqan po thoshte që e kishte “gjuajtur” Sam.
“Sam Nazarian? Ai është i dashuri i im”, mësohet të ketë thënë Kristin.
Vajza vazhdoi që t’i tregonte Kristin-ës se, Sam “ngacmon” çdokënd dhe ai mund të ketë edhe ndonjë të dashur tjetër. Sipas burimit, çifti bëri debat për këtë temë, për të cilën Sam u shpreh se ishin vetëm thashetheme.
Mediat nuk kanë zbuluar vajzën me të cilën Sam kishte nisur një lidhje paralele. Por menjëherë pas ndarjes prej Kristin zbuluan lidhjen e tij me Emina Cunmulajn.
