“E dija që fustani duhet të kishte përshtypjen e “UAU”.
Kështu u shpreh dizajnuesi i fustanit të Kendall Jenner, në 21-vjetorin e ditëlindjes së saj, për të cilin u shpreh se u frymëzua nga Paris Hilton.
Ndërsa në 24-vjetorin e ditëlindjes së Lori Hoxhës, pavarësisht se kanë kaluar dy ditë, ende zhurma po bëhet për fustanin që veshi ajo atë mbrëmje, pasi nuk po gjehet frymëzimi.
“Iconstyle.al” ishte media e vetme që solli të gjitha femrat e “showbiz”-it shqiptar dhe të huaj , të cilat kishin veshur një fustan të ngjashëm si ai i Lori Hoxhës.
Vendin e parë e mban Paris Hilton në 2002-shin, për të vijuar me Kendall Jenner dhe më pas te personazhet publikë shqiptarë: Nora Istrefi, Aurela Hoxha dhe Morena Taraku.
Por ditën e djeshme, Lori vendosi të tregonte të vërtetën e saj për personin që e frymëzoi për fustanin dhe nuk ishte asnjë prej femrave që ne përmendëm më sipër.
Në “Instastory” publikoi një foto në të cilën shkruante “Inspirimi” dhe ishte Emily Ratajkowski.
Këtë fustan mund ta keni të njohur për syrin, pasi bëri bujë kur modelja 26-vjeçare u shfaq e veshur me të gjatë Javës së Modës në Paris më 29 shtator.
Fustani i Emily-t është dizajnuar nga Morphee dhe pas kërkimit të “Iconstyle.al” zbuluam se kushton 6500 dollarë.
Por në fakt dizajni mes fustanit të Lorit dhe këtij nuk ka shumë lidhje në formë, veç pjesës së materialit me të cilin është krijuar.
Gjatësia deri te pjesa e gjurit, detaji i rrudhosjes dhe pjesa e kryqit në kurriz janë elementet që e bëjnë komplet ndryshme.
Por ne zbuluam arsyen pse Lori Hoxha nuk mund të pranonte që fustani i saj të ishte frymëzuar nga ai i Kendall Jenner.
Fustani i realizuar nga shtëpia e modës “LaBourjoisie” për Kendall Jenner ishte i mbuluar i gjithi me kristale “Swarovski”, me një vlerë prej 9.000 dollarësh.
Pavarësisht se shkurtësia e fustanit, pjesa e hapur përpara dhe kapja me zinxhir në qafë, pjesa e hapjes së kurrizit dhe të çarat e fustanit e bënin atë identik.
Tashmë na mbetet për të zbuluar markën e fustanit që veshi Lori Hoxha.
Burimi: Iconstyle.al
