Në faqet e rrjeteve sociale nëse ka diçka që e shohim më së shumti janë “mem”e-t. Por kohët e fundit fotoja e djalit që kthen kokën të shikojë të pasmet e një vajze tjetër, ndërsa ka të dashurën për dore, pushtoi kudo faqet e internetit në Shqipëri.
Por nëse mendoni se lindi papritur, atëherë e keni gabim! Ishte zgjedhje e qëllimshme e kompanisë “Shutterstock”, që po kërkonte ide të reja për fotot që t’i bënte njerëzit të flisnin për të. Dhe ia doli me sukses!
“Meme” të shumta janë krijuar me këtë imazh dhe tani është thuajse e pamundur të hapësh Instagram-in dhe do të bombardohesh prej tij.
Mirëpo, fotoja është një ndër ato imazhet “stock” që shiten në internet për mediat online. Nëse duan të përdorin një foto, mediat duhet të blejnë të drejtat për ta përdorur dhe kompania që ka bërë foton, është një ndër më të njohurat për tregtimin e fotove online.
Fotografi Antonio Guillem është 45 vjeç dhe prej vitesh punon për kompaninë e fotove, “Shutterstock”, një prej më të famshmeve. Ai është edhe autori i fotos që është shkrepur për qëllime artikujsh që kanë të bëjnë me tradhtinë në çift. Në 2015-n, kur “Shutterstock” po ecte mjaft mirë me shitjet e fotove, duke u kthyer në një ndër kompanitë më konkurruese të të njëjtit lloj, ata vendosën ta zgjeronin biznesin duke bërë foto më kontroversiale.
Siç tregon për “Wired”, vendosën të ndërmerrnin një risk, duke shkrepur këtë foto që shfaq tradhtinë e hapur nga ana e burrit.
“Ishte goxha sfiduese, sepse duhet të kapja shprehjen e fytyrës që të ishte e besueshme. Shumicën e kohës e kemi kaluar duke qeshur, sepse modelët i kapi gazi”, tregon fotografi.
THE CONCLUSION WEVE ALL BEEN WAITING FOR pic.twitter.com/48f6s5y9KG
— LUCIEN!!! (@wormpire) August 25, 2017
U realizuan dhe u publikuan shumë foto, por do të ishte ajo me titull: “Burri jo besnik në krah të të dashurës teksa shikon i mahnitur një vajzë tjetër joshëse” ajo që do të kthehej në fenomen në internet. Meme-ja e parë që u krijua me këtë foto ishte në shkurt të këtij viti, dhe nuk la shumë përshtypje.
Postimi në “Twitter” i Omar Essam në gusht të këtij viti mori 35,564 shpërndarje dhe gati 100 mijë pëlqime.
— Omar Essam LHC (@OmarEssamLHC) August 19, 2017
