Kjo avokate për të drejtat e njeriut ndërroi jetë pasi ishte në greve urie për 238 ditë, në kërkim të një gjykimi të drejtë për veten dhe të tjerët.
Ebru Timtik, 42 vjeç, ishte një nga 18 avokatët e njohur për përfaqësimin e klientëve kritikë ndaj qeverisë turke, të cilët u arrestuan në shtator 2017.
Timtik peshonte vetëm 29,5 kg kur vdiq në spital, ku ajo dhe kolegu i saj Aytac Unsal u transferuan në korrik pasi hynë në grevë urie në burgun Silivri të Stambollit.
Kushëriri i saj tha se kushtet ishin më të këqija në spital sesa në burg. Punonjësit e spitalit thuhej se ishin nën presion për t’i dhënë fund jetës së saj sa më shpejt.
Personat që u afruan pranë një varreze ku po prehej Timtik për t’i dhënë lamtumirën, u larguan me gaz nga policia.
Vdekja tragjike e Timtik e përfolur nga aktivistët si vrasje, tregoi se Turqia vijon të ketë probleme me të drejtat e njeriut dhe mangësi serioze në gjyqësor.
/NY Times
