Vitin që shkoi grimieri shqiptar Dario Doka deklaroi publikisht orientimin e tij seksual.
I ftuar mbrëmjen e djeshme në emisionin “Mos i fol shoferit” në RTV Ora, Dario u shpreh se në Shqipëri ka shumë homoseksualë që hiqen si hetero dhe madje kanë edhe familje.
Grimieri shprehet se është turp që krijojnë familje, fshihen dhe nuk e shprehin orientimin e tyre seksual. Ai u shpreh se nuk do të merrte kurrë një grua vetëm sepse duan prindërit e tij.
Rudina Dembacaj: Dario ke pasur ndonjë mik gay apo ish- të dashur që ishit bashkë dhe deklarohej si hetero?
Darjo Doka: Po, këtu tek ne ka shumë. Unë nuk dua të them emra, thjesht ka shumë meshkuj. Këtu tek në thonë “hë mo ju shtoheni dita ditës”, nuk shtohet njeri, thjesht mund të dalin hapur ose merren vesh që janë. Edhe heterot që hiqen si laca, kanë diçka brenda. Këtu në Shqipëri ka edhe burra që kanë gruan dhe fëmijët në shtëpi dhe janë gay më beso dhe kjo është turp. Kjo është turp sepse merr në qafë gruan dhe fëmijet. Më mirë dil hapur dhe dili jetës mbanë siç i kam dalë unë. Unë nuk marr një grua sepse do Shqipëria, babi apo mami”.
Dario ka folur për momentin që i ka treguar familjes së tij preferencat seksuale dhe si e pritën ata këtë fakt.
“Në fillim e ka marrë vesh motra ime, ajo e dinte pak a shumë thjesht nuk ma thoshte dhe unë shkova vetë t’ja tregoja. Ajo më tha që nuk do ketë asnjë ndryshim mes nesh, mjafton që ma the dhe unë të dua më shumë. Vëllai nuk më tha absolutisht asgjë dhe mami e mori vesh vetë duke dëgjuar biseda në telefon që unë bëja me dikë që kam qenë i lidhur. Ditën tjetër bëmë një bisedë shumë të ftohtë, më tha shiko këto nuk janë gjëra të mira, mos ka ndikuar shoqëria, ti nuk je në rregull e të tjera. Pas një jave e dëgjova mamin duke diskutuar me një kushëri tek shtëpia ime dhe i thoshte që ai është fëmija im sido që të jetë dhe unë kam për ta mbrojtur me mish dhe me shpirt”, shprehet make-up artisti.
