Teoritë e konspiracionit zbuluan se Hillary Clinton përdor një sozi pas humbjes së ndjenjave në ceremoninë përkujtimore të 11 shtatorit, të dielën. Përdoruesit e mediave sociale nisën që të shpërndanin foto komprometuese të kandidates Demokratike për të treguar “ndryshimet fizike” të Clinton, që u panë pas largimit të sa nga shtëpia e së bijës Chelsea Clinton.
Video shqetësuese e Clinton pasi ajo u ngjit në një furgon pas vizitës në Memorialin Kombëtar dhe Muzeun në Nju-Jork ngjalli shqetësime shëndetësore.
68-vjeçarja deklaroi më vonë se ajo vuan nga pneumonia, duke thënë se nuk i ranë të fikët, por thjesht ndihej e trullosur.
Ajo tha se pasi hyri në një vend me ambient me ajër të kondicionuar dhe pasi piu ujë, menjëherë nisi që të ndihej më mirë, ndërsa shkoi për të vizituar vajzën e saj Chelsea dhe fëmijët e kësaj të fundit.
Gjithsesi, kritikët thonë se gruaja që doli nga apartamenti i Chelsea-s, ishte e ngjashme me të, por jo vetë kandidatja për presidente.
Të shumtë janë ata që po përpiqen të provojnë këtë pretendim duke u munduar të nxjerrin në pah ndryshimet mes fotove.
Sipas tyre, hunda, veshët dhe gishtat e dorës nuk përputhen mes fotove të ditës së hënë dhe atyre të shkrepura më herët gjatë daljeve publike dhe takimeve elektorale të Clinton. Kjo, sidomos nga mbështetësit e Donald Trump ka shtuar zërat se në të vërtetë Hillary është duke përdorur sozi në publik dhe vetë mund të jetë e shtruar duke u kuruar nga pneumonia.
Në foto komentuesit dallojnë se:
-Clinton e ka gishti tregues më të gjatë se gishtin e unazës, ndërsa sozia e saj e ka gishtin tregues më të shkurtër se sa atë të unazës.
-Hunda e Clinton është përgjithësisht e drejtuar për sipër, ndërsa hunda e sozisë së saj është e drejtuar për poshtë.
-Një tjetër komentues thotë se, Clinton nuk duhet të përqafonte një fëmijë nëse do të ishte me pneumoni.
-Detaji tjetër që dallohet është se asnjëherë një kandidate për presidente nuk largohet pa shërbimet e sigurisë, siç ndodhi me “sozinë” se saj.
-Sipas komentuesve sozia e saj dallohet nga fakti që është më e re dhe më elegante, me këmbë dhe bust më elegant.
Vetë stafi i kandidates demokrate për Presidente konfirmoi se Hillary vuan nga pneumonia, ndërsa humbjen e ndjenjave në ceremoninë përkujtimore të 11 Shtatorit e justifikuan me lodhjen e madhe nga axhenda e ngjeshur e takimeve.
Burimi: Daily Mail
