Është sezoni festiv dhe ne kemi nisur tashmë “vrullin” e ideve për dhuratat e fundvitit. Nga ana e tij interneti është kthyer në mënyrën më të thjeshtë dhe të shpejt për të plotësuar listën tuaj të blerjeve dhe dhuratave.
Për shkak të avantazheve dhe përfitimeve të shumta, gjithnjë e më shumë njerëzit po preferojnë blerjen e veshjeve dhe produkteve të tjera online. Komoditeti, çmimet, ofertat, shumëllojshmëria e produkteve janë disa nga arsyet përse blerjet online po preferohen gjithnjë e më shumë në Shqipëri.
Por nga ana tjetër taksat doganore krijuan një stepje të qytetarëve shqiptarë për të blerë në dyqanet online jashtë Shqipërisë. Vendimi i papritur i qeverisë për uljen e kufirit të pataksueshëm të blerjeve online në 22 euro, këtë vit i gjeti konsumatorët të papërgatitur dhe të painformuar.
Për të gjithë të pasionuarit pas blerjeve online mos u shqetësoni se ky nuk është “fundi i botës”. Dyqanet online kanë një shtrirje të madhe kohët e fundit edhe në Shqipëri, ku secili prej tyre ofron diçka “unike”.
Blerja online në Shqipëri shmang taksat doganore, jep mundësinë për të gjykuar më mirë origjinalitetin e markës dhe verifikuar burimin e subjektit ku blen.
“Çfarë markash ofrojnë?”, “A janë origjinale?” dhe sa “Besueshmëri ka dyqani?”, këto janë tre nga pyetjet që ia bëjmë shpesh herë vetes para se të vendosim të blemë diçka. Çdo klient do të gjejë përgjigjen e këtyre pyetjeve nëse është një kërkim të një marke origjinale, si ato që ofron “ChicRegime”. Ja cilat janë dyqanet online në Shqipëri që ju ofrojnë mundësinë të shmangni taksën doganore:
Është një risi në Shqipëri dhe jo vetëm, që sjell vetëm marka origjinale nga më të njohurat në botë. Ai është një dyqan online ku mund të gjeni një gamë të gjerë veshjesh, produktesh, aksesorësh, nga dyqanet dhe markat më të njohura në Shqipëri dhe në botë. Ky dyqan nuk operon si shitës me pakicë, por është sipërmarrës i vetë shërbimeve nga fillimi në fund, duke filluar me fotografët te specialistët e teknologjisë dhe marrëdhëniet me klientët. Në këtë portal gjenden veshje të tilla si: bluza, këmisha, xhinse, fustane, xhaketa, pallto apo aksesorë të ndryshëm të markave luksoze të mesme dhe të larta. Një kategori e veçantë i kushtohet posaçërisht shtëpisë dhe dekorimit të saj. Filozofia e ChicRegime është të rritë besnikërinë e blerësve ndaj markave që ofrojnë një përvojë të lartë të cilësisë. Ky dyqan ofron një lidhje mes vetë-respektit dhe zgjedhjes së markës. Qëllimi i tij është që t’i bëjë blerësit të ndihen unikë falë produkteve të tij origjinale. Në fund të fundit, njerëzit blejnë marka që i bëjnë ata të ndihen më mirë me veten e tyre.
ebuy.al
Është një platformë online që ofron një shumëllojshmëri produktesh. Ky dyqan që operon përmes faqes së tij online, ofron produkte elektronike, sporti dhe fitness-i, produkte për shëndetin dhe bukurinë si dhe për shtëpinë apo kopshtin tuaj.
Viaanabel.al
Është një tjetër dyqan online që funksionon duke i ftuar të gjithë të shkëmbejnë dhe të shesin falas veshje, këpucë dhe aksesorë nga gardëroba e tyre. Anabel ndërmjetëson shitjen dhe blerjen e veshjeve, këpucëve, aksesorëve dhe produkteve shtëpiake, në një mënyrë më të kontrolluar dhe më të sofistikuar.
Dyqantaxi.com
Ky dyqan ofron një larmi të gjerë artikujsh dhe është i pranishëm në treg prej datës 11 nëntor 2011. Përveç ofrimit të produkteve online, ky dyqan është edhe i pranishëm fizikisht në Tiranë, ku mund të shihen nga afër produktet. Ai ofron artikuj elektronikë, teknologjikë, për shtëpinë, zyra dhe kancelari, si dhe veshje për të rritur dhe fëmijë.
Simjalti.al
Është një dyqan virtual i fokusuar në veshje dhe aksesorë për femra. Ky dyqan vjen si rezultat i një bashkëpunimi dypalësh nga kompani në Shqipëri dhe në Hong Kong. Ky bashkëpunim sjell produkte nga tregu aziatik në Shqipëri.
123.al
Është një sipërmarrje që nisi si ide rreth verës se vitit 2010 dhe ka qenë në ndërtim qysh atëherë. 123.al shërben si një guidë apo një ndihmës që të lejon gjithashtu të provosh eksperienca të reja që mund të mos i keni provuar ndonjëherë. Ai negocion me bizneset në qytetin tuaj (vendin tuaj), në mënyrë që ju të përfitoni çmimin më të ulët të mundshëm për shërbimet më të mira të mundshme duke filluar nga ngrënia në një restorant deri të udhëtimet jashtë apo kujdesi për veten.
Idedhuratash.al
Ky dyqan ka mundur të menaxhojë mbi 20.000 produkte dhe mbi 10.000 klientë. Ky dyqan virtual ju ofron ide unike dhuratash për çdo event dhe për çdo person special në jetën tuaj.
Luledielli.al
Është një dyqan lulesh online për dërgesa lulesh në të gjithë Shqipërinë. Prej datës 11 nëntor 2011 ai është fokusuar tek tregu i luleve dhe për të dhënë shërbimin më të mirë, ofron kompozime unike dedikuar klientëve. Motoja e tyre është “Të dhurojmë buzëqeshje”.
Grepi.al
Është hapur në gusht të vitit 2012, si një tentativë për ta thjeshtësuar procesin e listimit online të produkteve, shërbimeve, pronave etj. Ky dyqan virtual ofron produkte të llojeve të ndryshme duke filluar nga ato teknologjike për të vijuar me zbukurimet, apo produkte për shtëpinë tuaj, dhomën e gjumit dhe kuzhinën.
Burimi: Iconstyle
