Vdekja e këngëtarit Prince u shoqërua me shumë hipoteza, përveç ndjenjës së trishtimit që përfshiu të gjithë fansat e tij kudo në botë.
Më parë u fol se ylli i muzikës përdorte disa pilula, ku kryesonte një qetësues i fuqishëm i quajtur, fentanyl, që i solli vdekjen. Ky fakt u vërtetua së fundmi pasi në rezidencën e tij hetuesit gjetën pilula të forta.
Sipas zyrtarëve, ato ishin droga të falsifikuara të cilat përmbanin pentanil opiod, drogë e cila e vrau atë. Pjesa më e madhe e pilulave janë gjetur brenda vitaminave dhe aspirinave, të cilat ishin të fshehura në valixhe dhe çanta shpine në dhomën e tij të zhveshjes.
Tani kushdo që i shiti recetat me pilula Prince para se të vdiste mund të akuzohet për vdekjen e tij, pasi sasia vdekjeprurëse e barnave që ai kishte në shtëpinë e tij ishte e falsifikuar dhe ndoshta ishte blerë në mënyrë të paligjshme.
Ende nuk dihet saktësisht se si muzikanti arrinte të merrte drogën. Tashmë janë bërë katër muaj pas vdekjes së legjendës së muzikës të njohur si Prince.
*Shfleto galerinë
Burimi: Daily Mail
