Kryeministri i vendit, Edi Rama, e ka nisur ditën e sotme me një urim publik për një prej infermiereve në krye të detyrës në spitalin Covid.
Luljeta Duraj ka festuar sot ditëlindjen dhe Rama s’ka vonuar të shprehë vlerësimin e mirënjohjen e tij për punën e palodhur të infermieres në këto ditë të vështira të vendit.
Luljeta, nënë e 3 fëmijëve, feston sot ditëlindjen në spitalin Covid2 dhe ky gjest i saj meriton duartrokitje.
“MIRËMËNGJES
dhe me urimin për një fundjavë të qetë për të gjithë ju, i uroj ditëlindjen një prej heroinave të heshtura, që edhe në ditëlindjen e saj është mes pacientëve që luftojnë me virusin e rrezikshëm COVID19.
Prej 18 vitesh në shërbim të pacientëve, këto janë ndër ditët e vështira për Luljeta Durajn, nënë e tre fëmijëve, infermiere në spitalin COVID2 “Shefqet Ndroqi”, po janë edhe ditët kur mund të ndjehemi me fat, që kemi njerëz si Luljeta në vështirësinë që po kalojmë
#EDHE100 Luljeta
#RESPEKT
!- shkruan Rama në postim.
https://www.facebook.com/edirama.al/photos/a.10150147019281523/10158100801056523
