Një tjetër vit po ikën dhe beqarët me siguri po e ndjejnë atë sikletin e mbledhjes familjare dhe bisedave në tavolinë që do të drejtohen të gjitha te fakti që ti je…beqar/e.
Megjithatë nuk je vetëm, pasi këngëtari i njohur shqiptar, Gashi, ka të njëjtin hall si shumica prej nesh.
Ai madje ka dhe një zgjidhje perfekte sesi të shpëtoni nga situata kur prindërit të kërkojnë të sjellësh nusen/dhëndrin në shtëpi!
Në një postim në Instagram, të cilin e ka fshirë më pas, Gashi tregon se tani që është bërë i famshëm dhe i ka bërë prindërit krenarë, këta të fundit i kërkojnë të martohet dhe të bëhet me fëmijë!
Por përgjigja e Gashit mban një listë me shumë gjëra të rëndësishme që duhet t’i bëjë para se të arrije te martesa!
“Prindërit më thonë që ke bërë gjithçka për të na bërë krenarë, tani martohu dhe bëj fëmijë. Po unë s’kam marrë akoma një Grammy. Nuk e kam nisur linjën time të veshjeve. S’kam lancuar firmën time të atleteve. Nuk kam luajtur në një filmë akoma. Duhet të publikoj të paktën 10 albume”.
Po ti e ke një listë me qëllime si Gashi?
