Emisioni që bëri bujë sezonin e parë, ‘Hell’s Kitchen Albania” do të rikthehet sërish dhe sezoni i dytë premton edhe më shumë spektakël.
Shefi i kuzhinës Renato Mekolli ka treguar se këtë sezon do të ketë ndryshime të mëdha dhe ato fillojnë që nga studio gjigante.
Nëpërmjet një postimi të bërë në Instagram, Renato ka zbuluar se punimet kanë filluar dhe shihet se po bëhet një punë kolosale.
“Hell’s Kitchen Albania 2′ Puna vazhdon…1000 metër katror ‘Hell’s Kitchen’ në studion gjigande Nova të ‘Top Channel’ po punohet me ritme të shpejta, për të sjellë një super garë e një super ‘reality show’. Kuzhinë e re dhe një shtëpi e re gati për të gjithë”, shkruan shefi i kuzhinës.
Për të gjithë ata që mezi po e presin, Renato ka zbuluar edhe datën e startimit të emisionit.
“Nga Tetori kuzhina më e famshme në Shqipëri do të ndezi zjarrin në gjithë Shqipërinë”, shprehet Renato.
Më herët shefi i kuzhinës ka treguar se këtë vit do të jetë edhe më i egër se vitin e kaluar dhe ky sezon do të jetë i gjithi risi.
