Gruaja e aktorit Hollywood-ian, Jada, ka pranuar më parë se kishte fjetur me muzikantin August Alsina, ndërsa ishte ende e martuar me Will Smith.
Jeta familjare e Will Smith po të rikthehet sërish në qendër të vëmendjes, pasi August Alsina, që pati një lidhje jashtëmartesore me gruan e tij Jada Pinkett Smith, publikoi një këngë të re dhe do të publikojë gjithashtu një libër që tregon gjithçka në lidhje me jetën e tyre seksuale.
Në rreshtat e këngës së tij të re, Alsina ka gjetur rastin “ta rrahë hekurin sa është i nxehtë” teksa tregon raportin e tij seksual me Jada-n.
“Sigurisht që diss-a do të zbresin kur ke një miliardë dollarë në ashensor,
Sigurisht që do të ndodhin disa ngatërresa kur ti shkon në shtrat me ‘të preferuarën e botës’ (siç Jada ka quajtur veten).
Më tej, ai sqaron në këngë fjalën “ngatërrim” të cilën gruaja e Will Smith ka përdorur për të përshkruar raportin e saj me Alsina-n.
“Përkufizimi i ngatërrimit është kur ngatërrohesh në çarçafë.”- ka thënë ai dhe s’ka lënë më asnjë pikë dyshimi se rreshtat i dedikohen Jada-s.
Sipas “The Sun” August po bëhet gati për të nënshkruar një marrëveshje libri dhe do të diskutojë gjithçka nga karriera e tij deri tek detajet për jetën seksuale me Jada.
“August po përgatitet të nënshkruajë një marrëveshje libri me para të mëdha, e cila do të detajojë lidhjet e tij romantike me Jada-n. Ai gjithmonë ka pohuar se Will i ka dhënë leje për të fjetur me Jada-n, diçka që ata e kanë mohuar publikisht”.
Burimi shton:
“August do të zbulojë në detaje për kohën e tij me Jada-n dhe gjithashtu do të flasë se si ai e kaloi kohën duke jetuar në shtëpinë e Will-it kur ai ishte larg për xhirimet.”
Vitin e kaluar, Will konfirmoi se ai dhe Jada kanë një marrëdhënie të hapur, duke pranuar se ajo “kurrë nuk ka besuar në një martesë konvencionale”.
