Të jesh një nënë e katër fëmijëve dhe në të njëjtën kohë një supermodele nuk është fare e thjeshtë. Të kryesh aktivitet të rregullt fizik dhe të ushqehesh mirë është sfidë më vete, ashtu siç mund ta mendojë secila prej nesh.
Dhe supermodelja 43-vjeçare Heidi Klum tregoi për revistën “Shape”, se si ia del të qëndrojë aktive pavarësisht axhendës së ngjeshur.
“Nuk kam kohë të ushtrohem çdo ditë. Të jesh mama e katër fëmijëve është palestër më vete. Balancimi i punës time dhe axhendës së tyre, e bën më të vështirë ruajtjen e një aktiviteti fizik rutinë, prandaj përpiqemi të bëjmë sa më shumë gjëra bashkë si familje”, tha Klum.
Modelja gjermane vijoi më tej: “Na pëlqen të bëjmë xhiro me biçikletë, të shëtisim me qentë tanë, ose të hidhemi në trampolinë. Kjo është mënyra më e mirë për të qenë në formë dhe të shëndetshëm. Bëni gjëra që nuk duken si punë”.
Po Klum nuk harron që të ushqehet mirë: “Miti që thotë se modelet nuk hanë, nuk është aspak i vërtetë. Por meqë jemi në këtë biznes, duhet të zgjedhim me më shumë zgjuarsi. Mua më pëlqejnë shumë format e mia, sepse janë të miat. Në fund të ditës, nuk ka rëndësi çfarë mendojnë të tjerët për trupin tim, por si ndihem unë për veten. Po punoj për trupin tim dhe e zotëroj mjaft mirë”.
Burimi: Bussines Insider
