Princ Harry është në qendër të vëmendjes falë dokumentarit të tij në Netflix “Harry & Meghan” dhe publikimit të librit “Spare”.
Një çështje delikate që është trajtuar edhe në libër edhe dokumentar është edhe marrëdhënia e tij me Princin William.
Princi Harry mendon se marrëdhënia me Princin William do të ishte ndryshe nëse nëna e tyre, Princesha Diana, do të ishte gjallë.
Harry së fundmi u shfaq në “Late Show” për të promovuar librin e tij të ri, ku prezantuesi e pyeti nëse mendonte se gjërat do të ishin ndryshe nëse nëna e tyre e ndjerë do të ishte gjallë.
“Ne nuk do të kishim arritur në këtë moment. Është e pamundur të thuhet se ku do të ishim tani, ku do të ishin ato marrëdhënie tani, por nuk ka mundësi që distanca mes vëllait tim dhe mua të jetë e njëjtë”.
Në një tjetër intervistë, Harry deklaroi se nëna e tij do të dëshpërohej nëse do të shihte se vëllezërit kanë një marrëdhënie të tillë.
“Unë mendoj se asaj do t’i thyhej zemra që përfundoi aty ku përfundoi”, tha ai.
Ai gjithashtu pranoi se ndihet gjithnjë e më i afërt me nënën e tij për shkak të trazirave që kanë ndodhur së fundmi.
“Unë e kam ndjerë atë më shumë në dy vitet e fundit sesa në 30 të fundit”, theksoi tutje Duka i Sussex-it.
