Një lajmi i mirë për çiftin Travis Scott dhe Kylie Jenner!
Burime për median E News bëjnë me dije se ata janë duke u përpjekur për t’u rikthyer sërish bashkë, pasi u ndanë disa javë më parë.
Ndërsa burimi thotë se Kylie dhe Travis janë ende teknikisht “të ndarë”, ai shton se ata janë në “bisedime për t’u rikthyer së bashku”, sepse i mungojnë njëri-tjetrit.
“Të dy e dinë se është e pashmangshme. Ata vetëm kanë nevojë për hapësirë për të zgjidhur disa nga çështjet e tyre. Ata duan ta bëjnë marrëdhënien të funksionojë dhe të dy janë shprehur se i ka marrë malli dhe janë akoma të dashuruar me njëri-tjetrin”.
Travis dhe Kylie vazhdojnë të takojnë njëri-tjetrin falë vajzës së tyre Stormi, dhe të dy mohuan thashethemet se tradhtia ishte arsyeja e ndarjes së tyre.
Megjithatë dyshimet se do pajtohen vijojnë pasi pak pas ndarjes, Kylie u pa duke bërë një vizitë në studion e regjistrimit të ish-të dashurit të saj Tyga.
