Aktori turk Çagatay Ulusoy është vetëm një hap larg suksesit ndërkombëtar. Aktori ka publikuar në profilin e tij në “Instagram”, trailerin zyrtar të serialit më të ri me titull “The Protector”, që do të shfaqet në “Netflix”.
Seriali ngre siparin me 14 dhjetor në “Netflix” dhe Çagatay, ose siç e njohim ndryshe si “Sarp”, luan në rolin e një superheroi me emrin Hakan. I riu lufton me fuqitë e mbinatyrshme për të zgjidhur misterin nga e kaluara e tij dhe del në përfundimin se e mira fiton gjithmonë.
Xhirimet për serialin nisën në muajin mars dhe ishte lajmëruar se gjatë muajit shtator do të shfaqej edhe episodi i parë i serialit!
Por kjo nuk ndodhi, pasi zyrtarët e “Netflix” dolën në përfundimin se pesë episodet e para të serialit nuk janë në standartet e kompanisë. Pasi u filmuan sërish, seriali është gati për të nisur transmetimin me 14 dhjetor!
Në serialin me 10 episode, aktrojnë edhe aktorët e njohur turk si Ayça Aysin Turan, Mehmet Kurtulus, Hazar Erguçlu, Okan Yalabik.
