WhatsApp do t’ju vijë në ndihmë të gjithë atyre që e përdorin për çështje pune.
Sipas “XDA Developers”, aplikacioni më i famshëm i komunikimit po punon për të sjellë mundësinë e dërgimit të çfarëdolloj dokumenti që gjendet në telefonin apo kompjuterin tuaj, përfshirë arkivat dhe dosje me dokumente si foto apo video.
Tani për tani, vetëm disa përdorues të WhatsApp-it e kanë mundësinë për të shfrytëzuar mundësitë e reja. Deri më tani lejohej dërgimi i dosjeve të llojit csv, doc, docx, pdf, ppt, rtf, tct, xls dhe të ngjashme me këto.
Por lista ishte shumë e limituar dhe nuk lejonte dërgimin e dosjeve. Tani, raportohet që WhatsApp po punon për të bërë të mundur dërgimin e më shumë llojeve të dokumenteve për të gjithë përdoruesit.
Megjithatë, duhet thënë se madhësia maksimale e dokumenteve që mund të dërgoni është 128 MB për iOS, 100 MB për Android dhe 64 MB për përdoruesit e internetit.
