Është një nga shfaqjet më të rëndësishme në Javën e Modës në Londër. Kështu që Cara Delevingne u sigurua që të dukej në mënyrë të përsosur, ndërsa u shfaq në sfilatën e “Burberry”, zhvilluar te Makers House, të hënën.
Modelja 24-vjeçare zgjodhi një fustan të shkurtër të mrekullueshëm gotik, me një perlerinë.
Cara u shfaq me paraqitjen e Entrantress, karakterit të saj te filmi “Suicide Squad”, me paraqitjen e saj drithëruese me një dekolte shumë të hapur.
Por ajo që solli në trend Cara është pikturimi i trupit! Modelja dhe aktorja kishte pikturuara një vizë të zezë të pashpjegueshme që ndan në dysh trupin, pasi zgjatej nga pjesa e qafës deri në pjesën e poshtme të dekoltesë.
Ajo u sigurua që të tërhiqte vëmendjen me makijazhin “smokey eye”, ndërsa pozonte para kamerave me fustanin “Burberry”.
I njëjti detaj në trupin e saj u dallua më vonë edhe gjatë mbrëmjes, ndërsa 24-vjeçarja u shfaq bashkë me aktoren Amber Heard. Ajo nuk mbante më veshur fustanin, por u shfaq e veshur me xhinse, një bluzë me dekolte të hapur dhe xhaketë lëkure. Të dyja mikeshat zgjodhën njëra-tjetrën për të festuar një mbrëmje në klubet e natës.
*Shfleto galerinë
Burimi: Daily Mail/Marie Claire
