Orinda Huta të “mashtron” me portretin e ëmbël, me sytë bojëqielli e buzëqeshjen plot dritë. Dhe sigurisht që nuk e fshehim çudinë (ashtu edhe siç moderatori Blendi Fevziu), kur në studion e emisionit “Opinion” e përshkruajti veten si “vajza garipe”.
Moderatorja e “Jo vetëm modë” u rikthye pas në fëmijëri dhe tregoi se fakti që është rritur mes shoqërisë së djemve e ka bërë më trime, edhe në ditët e sotme.
“Fëmijëria më ka bërë më trime. Isha shumë garipe. Kur isha e vogël kisha shumë dëshirë të rrija me çunat. Rrija gjithmonë mes çunave. Kjo është përkthyer edhe sot, unë ende kam shumë miq që janë djem. Por sërish mendoj që edukatën e vërtetë ta jep familja sepse familja është gjithçka” – tha Orinda Huta.
