“Kiki do you love me” është sfida e famshme e cila i ka pushtuar të gjithë kohët e fundit. Teksa dëgjojnë ritmet e këngës “In my feelings” të reperit të njohur Drake, dalin jashtë makinës dhe kërcejnë ndërkohë që makina është në lëvizje. Një sfidë e rrezikshme, por që tashmë është kthyer në trend.
Mirëpo kërcimi i këngëtarit shqiptar, Gjiko në këngën e tij “Si bugati” duket se është sfida më e fundit që po çmend Instagram-in. Kjo këngë, e cila po shndërrohet në një hit, është publikuar vetëm pak ditë më parë dhe vjen si një bashkëpunim mes Gjiko-s dhe Skerdit.
Kërcimi që bën Gjiko në këtë këngë ka tërhequr vëmendjen e fansave të tij të shumtë dhe ata kanë filluar ta imitojnë duke e kthyer në një lloj sfide mes tyre se kush e realizon më mirë.
Fansat i kanë dërguar Gjikos video duke kërcyer nga vende të ndryshme dhe ai i surprizuar i ka publikuar ato në Instastory.
Me sa duket tashmë duhet ta harrojmë “Kiki”-n dhe duhet të fillojmë të mësojmë lëvizjet e kërcimit të Gjikos.
