Personazlimi është padyshim kudo këtë vit, pavarësisht se zgjedh një llastik për flokët, kapëse, varëse apo kasë telefoni. Është diçka që mund të na bëjë unike, një zgjedhje ekskluzive. Kjo do të thotë se nuk jemi më “skllevër” të trendeve, jo domosdoshmërish, sepse këtë herë dikush po përpiqet që të na përshtatet ne.
Mbajeni këtë në mendje kur jeni të hutuar nga koleksioni më i fundit vjeshtë-dimër i “Swarovski”-t. Ndërsa pjesa më e madhe e koleksionit “Urban Fantasy” sjell dizajne dinamike, moderne dhe kristalet “Swarovski” nuk harron që të prezantojë diçka ndryshe: bizhuteri me të cilat mund të lidhemi.
Një pjesë e pandarë e përditshmërisë së komunikimit tonë janë bërë shenjat që i quajmë “emoji”. Kurdo që ndihemi të dashuruar apo të gëzuar një shenjë e tillë saktëson gjithçka.
“Swarovski” ka vendosur që të shpreheni përmes aksesorëve dhe të dilni nga kufijtë e të përditshmes, për të nxjerrë anën tuaj argëtuese, jo vetëm sot në Ditën Botërore të Emoji-t.
Për një paraqitje më moderne, zgjidhni varëset e veçanta me simbolet trendi të lumturisë, dashurisë apo paqes dhe lërini aksesorët të flasin për ju.
Modeli juaj i flokëve apo pamja juaj me këto aksesorë do të marrë një pamje moderne dhe argëtuese. Frymëzuar nga trendi i “emoji”-t janë dizajnuar disa imazhe të ndryshme të zbukuruara të gjitha me kristale.
Por shpesh fjalët kanë peshën e tyre, ndaj ndjesitë më mirë të thuhen me germa si, dashuria, besimi, gëzimi apo paqja.
Eksploroni nga afër koleksionin e ri të “Swarovski”-t në dy dyqanet e tij, në Qendrën Metropol, rr. “Sami Frashëri” dhe në TEG.
Burimi: Swarovski
