Ajo u martua të shtunën me muzikantin që njohu në “Instagram”, tre vite më parë.
Aktorja jonë e dashur, që nga adoleshenca, Mandy Moore publikoi fotot e para nga dasma me stil bohemian, të organizuar në oborrin e shtëpisë së saj.
34-vjeçarja dhe bashkëshorti i saj 33-vjeçar, Taylor Goldsmith, dukeshin shumë të lumtur në çdo moment të dasmës së tyre intime.
Mandy Moore ka bërë gjithmonë rolin e një vajze të thjeshtë dhe duket se e tillë është edhe në jetën e përditshme, veçanërisht në ditën e saj të dasmës.
Ajo nuk kishte zgjedhur një fustan të fryrë të bardhë, por në vend të saj ngjyrën rozë dhe një fustan të gjithin tyli me detajin e veçantë të dantellës dhe të zbukurimeve.
Në të njëjtën ngjyrë ajo kishte zgjedhur këpucët dhe lulet.
Edhe paraqitja e saj ishte e thjeshtë, me flokët me onde të lëshuar dhe një makijazh shumë natyral.
Ambienti ishte arreduar me lulet ngjyrë rozë pastel, që ishin vendosur përgjatë altarit, ku qëndronte edhe një qilim në stil bohemian.
Në dasmën e çiftit morën pjesë 50 të ftuar, familjarë dhe nga grupi i shoqërisë.
Kujtojmë se një nga filmat përmes të cilit fitoi zemrën tonë ishte ai i vitit 2002, “A Walk to Remember”.
Burimi: Daily Mail
