Kur je në transmetin live ndodh që të bësh edhe gabime pa dashje.
Kështu i ka ndodhur edhe moderatores së sportit, Qëndresa Krelani, e cila tregoi mbrëmë në “Xing me Ermalin”, gafën e madhe që kishte bërë gjatë emisionit.
Qëndresa tha se gjatë ndeshjes së Kosovës me Danimarkën, ajo kishte lënë padashje mikrofonin ndezur dhe i kishte bërtitur njërit prej futbollistëve.
Ajo shprehu dje se iu drejtua me fjalën “idiot” njërit prej futbollistëve, të cilin me sa duket nuk e simpatizon aspak:
“Ishte duke luajtur Kosova me Danimarkën dhe është një futbollist Edon Zhegrova që nuk e kam qejf, më duket i dashuruar me vetveten ai çuni. Kishte dy shanse brenda një shansi, ta pasonte ose ta bënte vetë golin. Teksa po komentoja, mendova se e fika mikrofonin dhe ja dhashë fjalën kolegut. ‘Po gjuaje o idiot’, bërtita duke menduar se e kisha fikur mikrofonin. U dëgjova live dhe doli në transmetim. Ai redaktori ma hoqi mikrofonin dhe tha: ‘U çmende?”. Më kanë ndodhur dhe raste të tjera”, tregoi Qëndresa e cila ishte dje e ftuar me të motrën Flaka Krelani në “Xing me Ermalin”.