Qeveria ka vendosur të rihapë tregun e fishekzjarreve, por blerja e tyre dhe përdorimi do të jetë i kushtëzuar.
Shqiptarja.com bën me dije se me anë të një projektligji të Ministrisë së Mbrojtjes, fishekzjarrët apo materialet piroteknike nga kategoria F2 e deri në F3, lejohet tashmë të shiten në dyqanet e autorizuara vetëm për dy javë.
Ju mund t’i blini ato nga 15 dhjetori i çdo viti e deri më 1 janar të vitit pasardhës, ndërsa sa i përket përdorimit, do të lejohen të përdoret nga personat mbi 18 vjeç, gjatë periudhës 27 dhjetor deri më 1 Janar, pra duke pasur 4 ditë në dispozicion.
Më 18 dhjetor 2018 tre ministrat e qeverisë mes tyre Mbrojtjes, Rendit dhe Ekonomisë vendosën për ndalimin e tregtimit dhe përdorimit të fishekzjarrëve.
Pas plagosjes së efektives së policisë Ina Nuka me një kapsollë fishekzjarr piroteknik gjatë protestës së opozitës para parlamentit në vitin 2018, qeveria shqiptare ndaloi tregtimin e këtyre artikujve.
/iconstyle.al
