Shtatë burra që kanë bërë një gabim në të shkuarën, por që duan të përmirësojnë jetën. Marco, Mirko, Vincenzo, Said, Stephan, Carlos dhe Axija, janë shpirti i restorantit më të çuditshëm deri më sot që quhet “Në Burg”.
Për të shkuar brenda duhet të kalosh kangjellat e hekurta të burgut, ndërsa me të hyrë brenda, salla e restorantit është e ndriçuar, e areduar mirë dhe me shumë dritë! Drejtuesi, Ivan Manzo, e ka marrë përsipër këtë projekt sado që pohon se të punosh me këta djem nuk është e thjeshtë, pasi nuk janë mësuar me rregulla.
“E mira e tyre është që po mësojnë gjithçka nga e para dhe në këtë pikë janë të bindur. Ishte një sfidë për mua pranimi i kësaj pune, kam punuar gjithandej, nëpër anije, në Itali e jashtë saj, kam takuar kriminelë të vërtetë. Do doja që një ditë t’i merrja këta djem e t’iu tregoja botën jashtë”, tregon Manzo.
Pak minuta pasi kemi hyrë në restorant, shfaqen djemtë! I pamë ndërsa vishnin rrobat e kuzhinës, gatuanin, pastronin, prisnin klientët. Aty punohej duke buzëqeshur dhe ishte gjithçka në sintoni!
Për të drekuar “Në Burg”, procedura është e thjeshtë. Telefonohet në restorant, prenotohet tavolina dhe në hyrje të burgut, janë njerëz të posaçëm që të presin për të të shoqëruar brenda.
Burimi: Salepepe
