Pallati Kensington zbuloi detaje për ekspozitën e ardhshme që do të fokusohet në stilin e Princeshës Diana. Ekspozita “Diana: My Fashion Story” (Diana: Historia Ime e Modës) do të hapet në 24 shkurt, duke shënuar 20 vite që nga vdekja tragjike e Princeshës.
“Ekspozita do të sjellë bashkë një koleksion të jashtëzakonshëm të veshjeve, duke nisur nga fustanet mahnitëse të mbrëmjes veshur në fejesat e viteve ’80, te gardëroba e punës në të ’90-tat”, shkruhet në deklaratë.
“Marrëdhënia e Princeshës me dizajnuesit e preferuar do të zbulohet përmes prezantimit të disa skeçeve origjinale të modës, krijuar për të gjatë procesit të dizajnit”, thuhet më tej.
Ekspozita do të mbahet brenda dhe në kopshtet e Pallatit Kensington, ku Diana jetoi për 15 vite. Prisni që të shikoni disa nga veshjet më të famshme të veshur nga Princesha, përfshirë fustanin kadife nga Victor Edelstein, që e veshi për të kërcyer me John Travolta në Shtëpinë e Bardhë dhe bluzën rozë Emanuel që veshi për portretin e fejesës.
Burimi: Harper’s Bazaar
