Këngëtarja e njohur, Halsey ka folur së fundmi për problemet shëndetësore që po has që nga lindja e fëmijës së saj të parë në korrik.
Këngëtarja e hitit të suksesshëm “Without Me”, ka publikuar një sërë videosh në Insta story një ditë më parë.
“Pra, unë e di që shumë prej jush keni pyetur veten se çfarë po ndodh me shëndetin tim, dhe disa nga ju pa një video në TikTok dje që konfirmonte se unë jam alergjike ndaj çdo gjëje”.
“Natyrisht që shëndeti im ka ndryshuar shumë që kur mbeta shtatzënë dhe më pas kur linda. Fillova të sëmurem vërtet, vërtet, shumë”.
Më pas, Halsey ka shpjeguar se kur është shtruar në spital, ajo u diagnostikua me sindromën Ehlers-Danlos, sindromën Sjogren, sindromën e aktivizimit të qelizave të mastociteve (MCAS) dhe sindromën POTS (sindromë e takikardisë).
Ajo shtoi se ende është duke kërkuar për shkakun e këtyre sëmundjeve.
Sindroma Ehlers-Danlos është një grup çrregullimesh që prekin indet lidhëse të trupit, duke përfshirë lëkurën, nyjet dhe enët e gjakut, sipas Mayo Clinic. Me sindromën Sjogren, i cili klasifikohet si një çrregullim autoimun, trupi sulmon gjëndrat që prodhojnë lot dhe pështymë, por gjithashtu mund të dëmtojë pjesë të tjera të trupit, duke përfshirë nyjet, tiroiden, veshkat, mëlçinë dhe më shumë.
Jo vetëm kaq por ajo ka thënë se është alergjike ndaj kafesë, patateve, misrit, spinaqit, xhenxhefilit, hudhrës, qumështit, grurit, gaforres, specave, arrave, rrushit, qepëve, gjelit të detit, mustardës, limonit, kokosit, bananeve, sojës.
Halsey priti fëmijën e saj të parë, një djalë të quajtur Ender Ridley Aydin, me partnerin e saj Alev Aydin në korrik të vitit të kaluar.
