Në një intervistë për “Jo vetëm modë”, Kejvina Kthjella tregoi si e pritën familjarët daljen e saj të parë në televizion.
Shumë e quajtën të ekzagjeruar fustanin e saj të kuq, por, me sa duket, reagimet nuk mbetën vetëm në rrjetet sociale, por shkuan edhe më tej, deri edhe te familjarët e Kejvinës.
Por gjithsesi ajo pranon se nuk e dinte që fustani ishte i çarë, kështu që edhe për të ishte surprizë.
“Unë jam 22 vjeç, jam nga qyteti i Lezhës, por prej 17-vitesh jetoj në Itali dhe kam pak problem me shqipen. Ka qenë koincidencë fakti që jam tek Ermali. Ndodhi përmes një personi tjetër. Unë erdha vetëm një ditë para emisionit dhe isha unë që e pashë fustanin tek “Zaimina”, ishte surprizë edhe për ne. Unë kisha veshur të brendshme. Prindërit e kanë parë daljen time të parë, por s’dua të komentoj. Por halla ime ishte zënë me komshijen. Unë jam e gjitha origjinale, më vonë si dihet ndoshta edhe unë do kem momentet e mia”,- tha Kthjella.
