Modelja e njohur Kendall Jenner ka sfiduar koronavirusin dhe ka vendosur që të bëjë një udhëtim. Dhe sigurisht që nuk do të ishte vetëm, por këtë herë me një tjetër basketbollist.
Bëhet fjalë për basketbollistin e njohur Devin Booker, të cilët janë parë bashkë në makinë duke udhëtuar për 8 orë nga Los Angeles drejt Sedona të Arizonës. Ka qenë “TMZ” që ka publikuar fotot e tyre ku shfaqen sëbashku.
Dëshmitarët thonë që ata dukeshin si çift shkruan “TMZ”, por burime të afërta rreth tyre tregojnë se ata janë vetëm miq.
“Ata kanë një grup shoqëror shumë të ngushtë dhe Devin Booker është njëri prej tyre. Ata thjesht bënë një udhëtim për të marrë pak ajër të pastër”, është shprehur burimi.
Por ajo çfarë është më interesantja në këtë histori është fakti që basketbollisti më herët ka qenë i lidhur me ish-shoqen e ngushtë të Kylie Jenner, Jordyn Woods.
Dhe sigurisht emri i Jordan Woods na kujton tradhtinë e saj ndaj motrave Kardashian-Jenner, e cila u kap me Tristan Thompson duke u puthur. Një tradhti asokohe që bëri shumë zhurmë.
Sipas “TMZ”, në vitin 2018 Jordyn Woods me Devin Booker kanë dalë për darkë sëbashku me Kendall Jenner shoqëruar nga ish-i dashuri Ben Simmons.
Pas fotove që qarkulluan në rrjetet, në Twitter janë bërë shumë meme në lidhje me Kendall, e cila mbahet si vajza që ka patur lidhje vetëm me basketbollistë. Por modelja këto meme i ka marrë me të qeshur.
Ndërkohë mediat e huaja shkruajnë se nga ana tjetër ka qenë edhe Jordyn që postoi një meme me 3 plehra duke shkruar “Haha. Mirëmëngjes”, e cila mendohet se ishte për modelen Kendall Jenner, por mesa duket më vonë ajo është penduar dhe e ka fshirë.
