Një grabitje në mes të ditës ka ndodhur në zyrën e dietologes së njohur shqiptare Blerina Bombaj gjatë ditës së djeshme në Tiranë.
Ka qenë vetë dietologia ajo që ka shpërndarë në profilin e saj në Facebook videon e kamerave të sigurisë, ku shfaqet hajduti i cili grabit portofolin e punonjëses së zyrës me 20 mijë lekë të reja, kartë identiteti dhe patentë.
Në video shihet grabitësi me një çante shpine që pasi hap derën e zyrës, merr portofolin e fut në çantën e shtëpisë dhe më pas largohet sikur të mos kishte ndodhur asgjë. Madje dietologia thotë se janë shkëmbyer me hajdutin në shkallët e pallatit me mirësjellje.
“Vjedhje ne mes te ditës, ne mes te njerëzve! Ky “zotëri” ka hyre serbes serbes sot ne zyrën tone dhe ka vjedhur nga çanta e punonjëses se zyrës portofolin me 20mije leke te reja, karte identiteti dhe patente. Gjithçka është filmuar ne kamera dhe është denoncuar ne polici”, ka shkruar Blerina Bombaj.
Dhe pasi vodhi portofolin e Valmirës, zbriti shkallet dhe u pershendet me te plot miresjellje! Ju lutem shperndajeni”, vijon ajo.
