“Hajde Zvicër”. Ky është titulli në gjuhën shqipe i gazetës zviceriane “Tages Ainziger”, pak orë përpara ndeshjes mes Zvicrës dhe Suedisë. Gazeta ka udhëtuar drejt Kosovës, pikërisht në fshatin Zhegër, nga ku e ka prejardhjen edhe futbollisti kosovar Xherdan Shaqiri, për të parë sesi po përjetohet Kupa e Botës.
“Hajde Zvicër. Kështu thërrasin banorët e këtij fshati” – shkruan Ainziger, teksa thekson se shqiptarët ishin shumë euforik për këtë ndeshje dhe mbështesnin Zvicrën, sikur të ishte kombëtarja e tyre.
Kjo përballje do t’i japë të drejtën skuadrës fituese mes Suedisë dhe Zvicrës që të sfidojnë në çerekfinale, fituesen e çiftit Angli-Kolumbi. Një kualifikim mes tetë më të mirave të botës, do ta ndihmonte Zvicrën të barazonte rezultatin më të mirë të arritur nga ata në një Kupë të Botës, të regjistruar në Botërorin e zhvilluar në shtëpi në 1954-ën.
Burimi: Panorama
