Blero Muharremi ka nisur përgatitjet për ditën e madhe, atë të kurorëzimit të dashurisë me partneren Afrona Dika.
Gjatë muajit shtator çifti do t’i japë fund beqarisë, dhe që tani këngëtari i njohur ka zgjedhur kostumin e dhëndrit.
Blero ka publikuar së fundi një fotografi, në të cilën shfaqet shumë elegant i veshur me një kostum të zi dhe vishnjë.
“Po bëhem gati, e dashur Afrona Dika”, ka shkruar ai, duke na bërë të gjithëve të mendojmë se ky do të jetë kostumi i dasmës.
Blero ia ka besuar veshjen stilistit të mirënjohur Valdrin Sahiti dhe jemi të sigurt që do të duket një dhëndër i bukur.
View this post on Instagram
getting ready baby @afronadika ? thank you my bro @valdrinsahitiofficial
Nga ana tjetër Afrona po përgatitet për festën e beqarisë në fundjavë dhe me siguri që mezi po e pret.
Këngëtari Blero dhe e fejuara e tij, Afrona Dika kanë vendosur të kurorëzojnë në martesë dashurinë e tyre me 21 shtator të vitit 2019.
Çifti i showbiz-it shqiptar ka zgjedhur pikërisht bregdetin e Shqipërisë, për të zhvilluar dasmën.
Rreth 300 personat e ftuar, mes tyre miqtë dhe familjarët, do të festojnë për dashurinë e Bleros dhe Afronës, në një resort luksoz në Shëngjin, në plazhin e njohur si “Rana e Hedhun”.
