Në një postim në llogarinë e tij në Instagram, Justin tregoi ditën e djeshme se askush nuk e ka kuptuar faktin që luhatjet e tij të mëdha kanë ardhur si pasojë e sëmundjes nga e cila vuan.
Ai u shpreh se sëmundja e tij quhet “Lyme” dhe është një infeksion i cili shkaktohet nga bakteri Borrelia.
Kjo sëmundje shkakton njolla të kuqe në lëkurë dhe kruarje.
Në një stad më të avancuar, sëmundja mund të shkaktojë humbje të aftësisë lëvizëse të fytyrës, dhimbje të forta koke, temperaturë të lartë dhe probleme me zemrën.
Pasi e zbuloi këtë njerëzit që nuk kishin informacion për sëmundjen ju kthyen kundër dhe të shumtë ishin ata që e kthyen këtë situatë në meme apo nisën të bënin humor.
Por, këto fjalë nuk i kanë pëlqyer bashkëshortes së Justin, e cila ka teaguar menjëherë.
“Për të gjithë ata që po mundohen ta përbaltin intesitetin e sëmundjes Lyme, ju lutem bëni disa kërkime dhe dëgjoni histori të personave që kanë vuajtur me të ndër vite. Të bërit humor dhe të mposhturit një sëmundje që nuk e kupton nuk është asnjëherë zgjidhja, gjithçka kërkohet është të edukoni vetveten”, shprehet modelja.
