Pavarësisht statusit si një modele e njohur, Hailey Baldwin tregohet shpesh transparente me ndjekësit dhe fansat e saj për pasiguritë apo vuajtjet e saj përtej kamerës.
Përmes një postimi në Instagram, bashkëshortja e Justin Bieber shkroi rreth gjërave që e mundojnë dhe tregoi se jeta e saj nuk është perfekte.
“Dua ta filloj këtë vit duke u treguar më e hapur. Dua të hapem për gjërat që më bëjnë të vuaj. Jam 22 vjeçe dhe e vërteta është se pavarësisht sa e mrekullueshme mund të duket jeta ime nga jashtë, unë vuaj. Jam e pasigurt, jam e brishtë, jam e lënduar, kam frikëra, kam dyshime, kam ankth, mërzitem, inatosem. E gjej shpesh veten në Instagram duke krahasuar pamjen time dhe ndihem sikur nuk jam e mirë mjaftueshëm, ndihem sikur më mungojnë shumë gjëra dhe e kam shumë të vështirë të kem vetëbesim, sepse më duket sikur nuk jam e mirë sa duhet.
https://www.instagram.com/p/BsUDewZBFf_/
Çdo ditë është një betejë vetëbesimi për mua. Nuk po e shkruaj këtë për simpati apo për keqardhje, por thjesht për t`ju thënë që unë jam njeri. Jam një vajzë e re, që po mësoj kush jam dhe është shumë e vështirë. Është e vështirë të kuptosh kush je, por edhe më e vështirë është të krahasohesh me vajza të tjera, ndërkohë që mundohesh ta bësh këtë. Ka ditë që ndihem e pafuqishme për shkak të kësaj gjëje. Do të ishte shumë mirë sikur vajzat të ndihmonin njëra-tjetrën dhe jo t`i bënin të ndiheshin të paafta.
Ne të gjithë kemi dobësi dhe kjo nuk ka për të ndryshuar kurrë. Ajo që unë di është se Zoti na bëri individë për një arsye, me bukurinë tonë, personalitetin tonë dhe historinë tonë, pasi ka një plan dhe qëllim për gjithsecilin dhe Ai nuk gabon! Kështu që këtë vit, unë do të bëj më të mirën që të jem vetvetja dhe të kem besim në atë që jam, sepse jam mjaftueshëm dhe kam dashuri, dhe kur ke dashuri, je mjaftueshëm”, shkroi Hailey.
Modelja ka treguar në këtë mënyrë se dhe ajo është si të gjithë ne, lëndohet dhe di të ngrihet.
