Vajza më e madhe e Madonnës, Lourdes Leon, thotë në një intervistë të re se këngëtarja e famshme është një prind çuditërisht i rreptë.
“Mamaja ime është një fanatike dhe më ka kontrolluar gjithë jetën time,” -tha 25-vjeçarja për Interview Magazine, të enjten. “Kisha nevojë të isha plotësisht e pavarur prej saj sapo mbarova shkollën e mesme.”
Leon, e cila punon si modele, tha se një nga mënyrat se si e gjeti pavarësinë e saj ishte duke paguar vetë për shkollimin e saj në kolegj dhe apartamentin në Nju-Jork, pavarësisht pasurisë së madhe të nënës së saj.
“Nuk marr asnjë ndihmë në familjen time. Natyrisht, unë u rrita me shumë privilegje. Nuk mund ta mohoj këtë. Por unë mendoj se nëna ime duke parë të gjithë fëmijët e tjerë të njerëzve të famshëm, tha: ‘Fëmijët e mi nuk do të jenë kështu’. Gjithashtu, mendoj se nëse prindërit tuaj paguajnë për gjërat, atëherë u jep atyre pushtet mbi ju,” –tregoi Lourdes.
Pavarësisht se siç e ka pohuar vajza e saj, Madonna tashmë është super e pasur dhe super star, por nuk ka qenë që në fillim.
“Rreth 40 vjet më parë, unë erdha në New York City me asgjë tjetër përveç 35 dollarë dhe një palë këpucë vallëzimi. I thashë taksistit të më çonte në qendër të gjithçkaje. Ai më la në Times Square. Isha 19 vjeç dhe u tmerrova, por ishte vetëm hapi i parë. E dija që një ditë, me shumë punë të palodhur, do të njihesha jo vetëm në New York City, por në të gjithë botën.- shprehu Madonna
