Eventi më i madh i kinematografisë, Festivali i 67-të Ndërkombëtar i Filmit Berlin-Berlinale, u organizua pak javë më parë me pjesëmarrjen e shumë aktorëve të famshëm.
Ndër më të njohurit ishte aktori i Hollivudit Richard Gere, i cili ishte në Berlin për filmin “The Dinner”. Gjatë mbërritjes në tapetin e kuq, Gere u pyet mbi shtetin e ri të Evropës, Kosovën.
“E dua Kosovën. Kam qenë atje. Isha gjatë luftës. Kam qenë në pikën kufitare me Maqedoninë”, ka qenë prononcimi i aktorit të madh.
Kjo deklaratë bën krenar çdo shqiptar, edhe pse vizita e tij pranë kufirit të Kosovës gjatë periudhës së vështirë në vitet ’98/’99, nuk është dokumentuar me pamje.
