Tashmë, “Big Brother VIP Albania” është në përfundim të tij teksa më pak se një javë na ndajnë nga finalja e madhe.
Së fundmi, moderatori i njohur Meriton Mjekiqi, i ftuar në “50 pyetje” të emisionit “Prive” ka zbuluar se i pati ardhur ftesa për të qenë pjesë e “Big Brother VIP”.
Ai kishte pasur një kusht ku ka kërkuar plot 100,000 euro për t’i thënë po këtij formati.
“Më është bërë ftesa para se të fillonte formati. Unë kam qenë në makinë duke udhëtuar e duke ardhur për në Prishtinë. E di që i kam thënë që do të vija nëse do të më jepnin 100.000 euro.
Mund të jem i ftuar për respekt me ndonjë detaj, ndonjë surprizë, por nuk e shikoj dot veten të qëndroj 24 orë aty, jo sepse nuk dua të shfaq veten time, por sepse kam shumë ambicje dhe dua të punoj, jo të qëndroj 2-3 muaj në të njëjtin vend.”- ka zbuluar ai.
Ndërkohë, i pyetur se kë banor preferon për të fituar finalen e madhe, ai dha emrin e Donald Veshajt.
“Jam në përkrahje të Donaldit. E kam mik shumë të mirë, me pëlqen shumë, por edhe Iliri bën lojë shumë të mirë dhe është shumë i aftë.”- ka thënë moderatori.
