Ajo po i ngjit shkallët drejt suksesit një e nga një. Por fillimi, ashtu si për këdo tjetër, edhe për balerinën e njohur Alba Hoxha, nuk ka qenë i lehtë.
E ftuar te Rudina Magjistari, Alba, e cila tashmë prezanton motin në tv Klan, u shpreh se ishte një ide e Albit dhe tani gjendet shumë mirë aty.
Në një rrëfimin për jetën dhe punën e saj, balerina u shpreh se fillimet kanë qenë të vështira, pasi Albi ishte i rreptë në punën e tij.
“Jam futur me audicione në Klan dhe në fillimet e mia nuk kam qenë ashtu siç duhej dhe ditën e tretë pasi fillova, Albi Nako ka dashur të më heqë, më thoshte: Ti je një dru i pagdhendur, trupi jot është si stekë rrënoje, fytyra jote si jastëk paje. Albi është i paparë. Në fillim u demoralizova por pastaj me ambicie dhe me punë arrita këtu ku jam”, është shprehur ajo.
