Gwyneth Paltrow nuk është nga ato aktore që nuk vihen re. Gjatë dy dekadave të fundit ajo ka guxuar gjithmonë të jetë një libër i hapur, kur bëhet fjalë për jetën e saj personale, preferencat e saj ushqimore apo çdo gjë tjetër. Duke folur për “Harpers Bazaar” aktorja ka treguar për fillimet e karrierës së saj.
“Kur fillova të aktroj, unë nisa të printoj çdo gjë që shkruhej për mua javën e parë. Në fillim ishin të gjitha gjëra të mira, më pas filloi e kundërta. ‘Kjo nuk është gjë e mirë, nuk është duke më ndihmuar’, thoja. Ata ishin njerëz të huaj që shpreheshin për çdo gjë në jetën time, ku kam ngrënë darkë, çfarë filmi kam zgjedhur për të parë. Kjo nuk do të jetë e dobishme për procesin tim si një qenie njerëzore në këtë jetë. Por ishte një ushtrim shumë i rëndësishëm për mua në kuptimin e vërtetë, për të kuptuar se sensi apo gjykimi i dikujt është vetjak dhe i brendshëm”.
E pyetur a i inkurajon fëmijët e saj që të rrezikojnë, Paltrow, e cila ka dy fëmijë me ish-bashkëshortin, Chris Martin, u shpreh:
“Njëqind për qind. Në rastin tim, unë kam lindur dy fëmijë në rrethana veçanërisht të çuditshme. Ata duhet të mbrojnë veten nga paragjykimi se kush janë, nga vijnë. Vajza ime është super guximtare. Unë gjithmonë ndjek shembullin e saj. Në fakt nuk kam nevojë ta inkurajoj atë të ndërmarrë rreziqe. Ajo i pëlqen ta shtyjë veten; dëshiron të shohë se sa larg mund të shkojë. Është me të vërtetë frymëzuese të shohësh një gjë të tillë te një vajzë e re”.
Burimi: Harpers Bazaar
