Gruaja më e vjetër në botë, Francisca Susano ka vdekur në moshën 124-vjeçare. Ajo ishte personi i fundit i gjallë që lindi në shekullin e 19-të.
E lindur dhe e rritur në Filipine, ajo njihej me dashuri si Lola.
Ajo vdiq në shtëpinë e saj në Kabankalan në provincën e Negros Occidental.
Megjithatë, shkaku i vdekjes së saj ende nuk është përcaktuar.
“Lola Iska do të mbetet gjithmonë frymëzimi dhe krenaria jonë”, tha kryebashkiaku Pedro Zayco.
Ajo kishte tejkaluar me dy vjet mbajtësen e mëparshme të rekordeve botërore Guinness, Leanne Calment.
Në një intervistë, ajo kishte treguar se sekreti i saj për një jetë kaq të gjatë është një dietë e përbërë kryesisht nga perime, me pak mish dhe pa mish derri.
Pas ditëlindjes së fundit të Lolës, politikani Rodolfo Ordanes kishte paraqitur një peticion duke i kërkuar Dhomës së Përfaqësuesve t’i jepte asaj 15,000 £ në njohje të ‘arritjes së saj se madhe’.
E lindur në shtator 1897 – një vit para se Spanja t’i jepte kontrollin e Filipineve SHBA – Susano ishte personi i fundit i mbijetuar në botë që lindi në shekullin e 19-të.
Për të vënë në perspektivë moshën e saj të pabesueshme, ky ishte i njëjti vit kur u shpik luga e akullores dhe karamele pambuku, dhe kur William McKinley u zgjodh si presidenti i 25-të i SHBA-së.
