Çifti i njohur Lorik Cana dhe Monica Ercoli kanë dalë live për fansat si rrallëherë në një video në Instagram.
Në fakt ka qenë ideja e bashkëshortes së ish-kapitenit që të bënin një video të përbashkët, pavarësisht se Loriku nuk e kishte aspak mendjen gjatë gjithë kohës.
Menjëherë pasi dolën live, një numër i madh fansash nisën t’i shkruanin dyshes dhe t’i përgëzonin. Njëra nga fanset madje ka dashur që të flasë drejtpërdrejt me ta dhe Monica ia ka plotësuar dëshirën.
Vajza nga Peqini, fanse e çiftit, e ka pyetur partneren italiane të Lorikut, përse nuk i kthen mesazhet në Instagram.
Ndërsa Monica në shqip i shpjegoi se nuk përgjigjet në Instagram, ndërsa ka falënderuar të gjithë ata që e ndjekin.
“Po unë nuk lexoj mesazhe në “Instagram”. Faleminderit për follow, per tutto, për krejt”, ka vazhduar ajo dialogun me fansen.
Me sa duket, ashtu siç kishte premtuar, Loriku i ka mësuar gjuhën shqipe bashkëshortes dhe tashmë ajo mund të komunikojë edhe me fansat e saj në Shqipëri.
