Emisioni “Opinion” i kushtoi një rubrikë të veçantë fshatit Qeparo këtë mbrëmje!
I ftuar, anëtari i komisionit shkencor i UNESCO, Auron Tare, rrëfeu një ngjarje shumë interesante për një ndër fshatrat më të bukur shqiptarë.
Ai tha se disa kohë më parë, së bashku me një grup me personalitetesh shumë të njohur botërorë, ishte edhe bashkëshortja e princ Charles, Camilla, që kishte vizituar këtë fshat dhe më interesant ishte fakti që askush nga banorët nuk i njihte ata.
“Qeshnin se nuk e njihnin. Ajo u kënaq në fakt. Kur isha në Londër në një darkë me ta e tregonin si dicka interesante që askush nuk i njihte”.
Po ashtu Tare tha se bashkëshortja e pronarit të Mercedes-it ishte interesuar për ta blerë gjithë fshatin dhe për ta bërë koloni artistike.
“Ne ishim 10 veta, aty ishte gjysma e ekonomisë europiane… Në atë kohë gruaja e pronarit të Mercedesit u interesua shumë që ta blinte të gjithë fshatin, donte ta restauronte dhe ta bënte kinema, vend për të sjellë filma dhe aktorë, për ta bërë të gjithë fshatin koloni artistike. Por nuk e bëri… sepse në Shqipëri fati nuk shkon asnjëherë në drejtimin e duhur”.
